回【香港小說網】主頁

武俠小說愛情小說推理小說科幻小說武俠小說愛情小說科幻小說
未經作者授權•請勿擅自轉載
武俠小說愛情小說推理小說科幻小說武俠小說愛情小說科幻小說

我是版主Danzo, 筆名小華和敖飛揚, 請給我意見!!!

苦 與 諾

香 港 小 說 網
客 席 作 者

 

 

 

                      

地點: 自己的房間              時間: 深夜

經過今天全日的激烈運動, 回到家的時候, 我的身體經已不受控制, 馬上便飛到浴室! 當我浸在浴缸之中, 舒服之極了! 慢慢恢復了一點點的情醒, 我正正回憶今天發生的事情! 其實在我自己心中, 我有一個好奇, 為何她咁鍾意自殺既呢?

腦海回憶起她那個眼神, 那個眼神是十分堅決的! 在思考的時候, 手提電話突然收到一個訊息! 我伸手向洗手盤旁拿來一看, 是一個多媒體的訊息

一看便看見阿諾了!

諾: ...... 你唔好嬲我啦! 聽日星期六呀, 你放半晝既啦! 最多我請你食飯啦! 你唔好唔來呀! 7點鍾, 天星碼頭, 五支旗桿等! 唔好唔到呀!!

我看見她微笑的樣子, 又怎能想到她今天曾經想死呢! 不知不覺間, 想了想便回房休息了!

 

地點: 中環路上                 時間: 晚上645

諾已經準時地到了約會地點, 今天的她是經過悉心打扮的! 由頭到尾都可是一位美人兒呢! 可是她約會的伴侶還是在公司呢!

樹: 得未呀?? 你仲未攪點呀?? 快手d啦! 星期一要交俾老闆既啦!

舒: 得啦! 吹吹吹一味得個吹字!

他們二人正在公司因為昨天推廣產品的問題, 而進行修正!

我看一看錶, 再看一看出面的天色, 天已黑了! 時間已差不多8點多了!

我心中有點著急了! 於是不斷地做著工作, 但是工作真的十分繁複! 不斷的修改著, 我想差不多了的時候, 我再看一看錶! 1點多了! 我馬上把手尾交給了阿樹! 接著, 我便跑到天星碼頭! 途中, 我心中有點不安, 令我想到, 她不會因為我的失約, 而自殺吧??? 想到這點, 我跑的速度更是快得像風一樣, 我想我這輩子都從來沒有試過跑得這麼快呢!

 

地點: 天星碼頭

當我就快到的時候. 我在遠處看見, 有一班人群圍著! 這時, 有些救護車趕到, 我看見救護人員很快地拿著急救用具, 跑到人群之中!

路人甲: 真係慘呀, 係度自殺喎!

路人乙: 咪就係, 失約我都唔係要玩到咁大既!

聽見這些說話, 我立刻衝了上前, 我看見了! 一個人被蓋上了毛巾, 搬上了床上!

我完全不能相信自己的眼睛, 我立刻推開了那些醫護人員, 拉住了那張床, 跪在地上!

舒: 你點解要咁呀! 你知唔知我救左你咁多次, 都係唔想你死! 你都仲要死! 你係唔係真係咁鍾意死呀! 你知唔知我唔係唔想來既! 你知唔知你好傻呀! 你知唔知我真..鍾意.. 我的喉已經發不出聲音了, 因為淚而流出來了!

男人聲: 我好感動呀! 我明白晒你既啦, Johnny

我一聽, 接著一拉看那張毛巾, 我看見的人嚇至我跌在地上! 是一個男呢! 還是一個十分那個的男呢! 因恐慌下, 我很自然地一腳伸了整張床出了馬路!

男人: 救命呀, 謀殺呀!!!!!!!!!!!!

舒: 係唔係傻既, 男人來既嘛, 咁就要自殺, 送你一程喇! 我回頭一看, 那些人全部都是用一些奇異的眼光望著我!

舒: 喂, 你地唔好咁望我啦! 好明顯我都係一個受害者! 我唔係gay既!

遠處傳來馬路上的響安和他的慘叫...

看熱鬧的人, 慢慢地散去但在人群的背後, 我看見了她! 她正在掩著她大笑的神情和笑容, 手上拿著了一杯雪糕!

舒: 你笑咩呀! 又咩咁好笑!

諾: (笑聲中)你..真係好攪野呀嘛!

舒: 哦! 你買雪糕, 我飯都未食, 你食雪糕!

諾: 嘩! 我等你咁耐食杯雪糕都唔得呀!

舒: 咩味來既! 我唔要士多啤利喎! 至憎!

諾: vanilla來既!

接著他慢慢地走過來, 餵了我吃一口! 我心中的甜俾口中的更甜呢!

舒: 幾好食喎! 咩出品呀!

諾: 你鍾意食呀! 我以後餵你一日食一杯!

舒: 嘩! 我咁肥仲要一日食一杯!?

諾: 梗係! 你話你鍾意既! 以後唔好唔食呀!只可以食呢一杯!

舒: 咁如果我食第二杯呢

話還未完, 突擊又來! 可惜的是, 我今次閃到了!

她打了我一下,我還了她一拳!我們就好像小朋友一樣在街上玩著!

不知不覺間,我們都玩得有點餓,可惜這種時間,這種地方,那兒有吃的呢?

我們慢慢地走著,雖然肚子十分的餓,但是在心理上我卻感到十分飽呢!

突然間從遠處,我看見了一架買栗子的熟食小販!我馬上地衝了上去買了一包,接著便和我心愛的人分享著,我們就坐在海傍邊吃邊說!

諾:你成日買呢d野食既?

舒:唔係呀..你唔鍾意食呀?

諾:唔係既!幾好食呀!(她一粒一粒慢慢地放進口中)

舒:喂!講開先講,其實點解你咁鍾意玩自殺既?

諾::唔想答!

俾佢咁樣拒絕了我的問題,我突然靜了下來,呆呆地望著維港!

諾:你好鍾意呢個海呀?

舒:(想了一會) 幾啦!以前我唔鍾意架, 不過而家唔同左感覺喇! 因為我感覺呢個海,有d故鄉感覺!雖然已經無以前咁靚,但係我始終覺得呢個港,係香港既代表呀嘛!講你知,我如果第時有一日我死左之後,我一定要將我d骨灰拪落去,到時,如果我老婆都去埋,都要咁做!

諾:點解呀!個港咁dirty又臭!

舒:所以話你呢d小朋友沒深度呢!靚唔係在乎於佢既外表,係在乎於人既眼睛,你覺得佢靚,佢咪靚囉,你覺得佢差,佢咪差囉!

諾不斷地搖著頭,完成不明白像的!

舒:講就無用既!等你感受一下啦!香港人!

我捉著她的手,和她走到海傍邊的石梯旁!

舒:你跟著我做一次,蔽上眼睛,打開雙手,深深地吸一口氣,再打開眼睛!

諾:好行喎!得唔得架!

舒:你試下先啦!

諾跟著我所做的一樣,可惜的是當她吸了一口氣的時候,她咳了一大聲!

諾:嘩!唔好攪我呀!好臭呀!頂唔住!

舒:唉..你真係失敗呀!你得閒自己來試下啦!如果有一日你感受到呢個海係靚,你先係一個真正既香港人呢!

諾:人人都覺得唔靚既野,你又話佢靚,正一怪人來既!

舒:係呀!咁我第一個話你靚!

諾:咁就死啦!個個都話我唔靚啦!

舒:(對住海中大叫)你好靚呀!伊諾!你真係好靚呀!

諾:仲講!我又整多巴俾你既!

我向她做了一個鬼臉!她馬上便追著我打了!我們整個晚上就是這樣不斷的追逐著!

 

地點: 酒吧            時間: 晚上

樹: 點呀! 最近點呀?

舒: 邊度有d咩特別呀! 你日日都係同我返工放工既啦!

樹: 係就係..不過你一放工就唔知去左邊度呢! 加上你睇下你自己

樹站起來, 走了過來, 圍繞著我走了一圈!

舒: 咩呀! 點呀

樹: 你睇下你個樣, 沒晒精神咁! 好像人地撞鬼, 俾人吸晒d陽氣呀!
舒: 你唔好攪我啦!呢期訓得唔好呀嘛!

樹: 訓得唔好呀!你唔係諗住用d咁既藉口呃你呢的估拔打(good brother)呀嘛!

舒: 你攪少我一陣啦,呢期我無野喎!

樹: 梗無野啦! 一個傻既, 一個顛既! 配得咁絕! 點會有野先得架!

舒: 做兄弟既, 係唔係咁講野先! 再講個晚之後, 我無見過佢啦!

樹: 你都知我係你個估拔打, 你就講我知咩事啦收收埋埋扮晒神秘! 如果真係咁既話, 你個樣會咁愁, 唔好呃我先得架

舒: 係就係有問題, 不過都唔係大問題但係有事相救阿樹哥囉

樹: 你唔好諗住問我借錢呀! 我無架! 我仲窮過你呀! 每個月出糧, 除去了必需錢之外, 我全部都要俾晒太后架!

舒: (輕拍他的肩膀) 放心, 我知你一世都係老婆奴, 我都無諗住問你借錢, 不過我想放5日假!

樹: 都ok既! 呢期公司無咩做

舒: 咁多謝晒啦! 今晚你飲幾多全部我既!

我將錢放在^上, 便急急地離去了!

樹: (自言自語)都唔知佢攪咩, 唔理啦! 老闆, 埋單!

侍應: 先生, 你呢度唔夠喎

樹: 下! 你無野呀! 我都飲唔夠半打! 成張500蚊都唔夠, 你估我飲紅酒呀!

侍應: 500蚊一定夠, 可惜呢張唔係呢!

樹一手搶過來看, 一看是一張color cop既500!

侍應: 先生, 唔係諗住呢張係500呀! 咁我要搵人來睇睇啦!

樹: 等一等! 而家咪拎張真既俾你囉! 吋!

樹伸手從褲袋中正想拿銀包出來, 但他找來找去還是找不到呢!

樹: (衰仔偷得咁高既!) 你呢度收散紙既??

 

地點:天星碼頭                  時間:深夜

現在已經是深夜了, 我正正站在天星碼頭, 這次輪到我了!我還是在沉思著!

慢慢地想起那個晚上的問題...

諾:你鍾唔鍾意我呀?

舒:唔...呢個問題我都選擇唔答

諾:點解?

舒:咁點解你唔答我點解你咁鍾意自殺先?

諾:唔..

舒:你都無答我啦!

諾:好呀!一個月之後..我地大家一個月之後係返呢個時間呢個地點再見!到時你一定要答我,我都會答你...

當我還是在想的時候,她而站在我的身旁!

諾:點呀!咁耐無見!我地今晚又去邊度玩呀?

她主動地拖著我的手,正想拉我走的時候,我突然扔掉了她的手!她望住了我!

眼神之內, 我看見了她已經有眼有淚光了!我想了想決定狠下心腸了!

舒:你冷靜d聽我講, 我今日出來係想俾一個答案你..我唔係唔鍾意你!係我唔可以同你一齊!

諾:點解?

這時,有一個女人拖著一個小孩走過來

女人:老公,他就是你的同校師妹嗎?

舒:是呀!是不是很漂亮呢?來!細妹快點叫姐姐吧!

小妹妹:姐姐,你好!

舒:好!你同媽咪行遠d..一陣爸爸同你去睇史特加2..老婆你同佢去買下野先,一陣先返來搵我啦!

女人:哦..

跟著他們慢慢地走遠了..

舒:你明啦!咁唔雖要我再講啦!你以後唔好搵我啦!

說罷,我正要轉身走的時候,她突然捉住了我的手!

舒:(不耐煩地說)又點呀?!仲唔明呀!你係唔係想做人第三者呀!

諾:(沙啞的聲音)你答了我個問題,但係我未答你喎..我鍾意自殺因為我已經無晒屋企人,個日落雨既時候,我因為接受唔到爸爸媽媽已經唔係世上,我先至開始自殺!因為我覺得世上再沒有其他人會愛錫我,我個日搶你部電話,係因為我想搵一個人去陪我一齊死...但係你竟然救左我, 竟然有一個同我唔識既人,佢連條命都唔要咁去救我!我開始因為你..而感動!因為你俾我既感覺,而改變...不過我想話你知...你會成為我再次自殺既衝動!

舒:講完啦..走喇!(心裹一千個不舒服!)

諾:喂!唔好走住...

舒:你咩都講晒..唔走做咩呀?

諾:你係唔係真係好鍾意個海既?

舒:係,又點...

諾像箭一樣直衝向海!我一看便跳上前,可惜還是趕不及!

我急不及待便跳了下去,可惜的是,我忘記了自己不憧游泳!但我還是不斷地找尋著她,但不善水性的我,又怎麼能找到她呢!不經不覺間,我漸漸感到有點窒息的感覺!在這個時候,我忽然感到自己被拉扯著,到我上回石梯的時候,我才知道是諾救了我!

舒:喂!你...係唔係玩..呀..你識游水,你..跳海自殺

諾:方正舒,你同我聽著,你救了我兩次,我都救回了你兩次!尚有一次我們便扯平!以後你有你既家庭樂!唔好再阻止我做任何事!

她說罷便走了!從她的背影,我看出了她是那種很要面子的人!可惜的是,我想她永遠都要欠我一次呢!